SIA MAU PULANG

ok, kali ni biar entry ni full of sabah language. rindu pula mau post pakai bahasa sabah. asik bahasa baku dan ala-ala KL ja. sabahan sia lupakan..

hmmm...

sebenarnya sia hepy butul ni. mau tau napa? mama sia kol tadi. dia kasi cerita pementasan teater anak murid kakak sia dapat pujian hangat dari pihak sikula. hmmm otomon la kakak sia tu. mama sia pun cerita yang bunyi hepi ni. alhamdulillah. rasa sukur sia pada Allah.

terus sia teingat sama mama sia. rindu butul. iya la sia ni kan anak manja. mama tanya apa kabar sia d sarawak. sia jawab, siat alhamdulillah. mama sia pun ucap Alhamdulillah. atukkoi, lumangan oku d ama ti..

mama sia buat seprais (surprise), mau tau apa ka? hmmmm..mama sia mau seponser beli tiket balik sabah masa konvokesen kakak sia yang d ums tu. Alhamdulillah...otomon (gembira) butul ni. tapi bila sia pikir balik, mana juga ka dapat balik. ndada (tiada) suda cuti oo...ada juga nga tinggal 2 hari. itu pun untuk kecemasan. lagi pun, nda tau kan apa akan jadi dihadapan kita. nda mau la kasi habis semua cuti tu T_T

mama sia ni mengharap butul sia balik. beria-ia mama sia mau beli tiket. lepas tu dia suru sia pujuk bos supaya kena bagi cuti. ai na..mama sia betul-betul mau sia balik. kalau ikutkan ati ni, mimang la mau butul balik. tapi...i'm sory mama..

mau tau kenapa mama sia mau butul sia balik?

sebab sia satu-satunya anak yang nda sempat rasa hidup sebagai mahasiswa. bukan sebab sia nda dapat masuk sana, tapi sebab sia dapat rezeki awal dari Allah..Alhamdulillah. sia pernah kan bagi tau mama sia yang sia cemburu tingu kawan-kawan sia masuk U. mama cakap "sabar, kamu suda ada keja. masa depan terjamin"..iya ma, sia ingat pesan mama tu..

mama,

rasanya sia nda dapat balik..enta la ba. sia pun bingung ni. tadi sia cek la arga tiket..alhamdulillah kira murah la sebab dulu sia beli tiket mau dekat 500 juga. tapi tadi yang sia cek, dibawah 350 ni. hati sia bekobar-kobar mau balik. tapi, sia rasa baik duit tiket tu guna untuk keperluan lebih penting.. simpan ka.

mama,

siou (maaf) ar..walau macam mana pun, sia usaha juga mau pulang ni. itu pun kalau bos bagi pelepasan. susa juga pula ni kan. ASTAGHFIRULLAH.. Kudui, jangan cakap susa ba.. ko mesti kuat..T__T...

mama,

kounsikou (terima kasih) kio ama..sebab sudi seponso saya..

tapiiiiiiiiiiiiiiiiii...............

SIA MAU PULANG!!!!!!!!!!! T_T

-adik-mama-abang-